نتائج التقييم : مستوى الطلاب في قطر متوسط

اعلم ان البعض قد يستاء من هذا الكلام لكن لكل رايه و أسأل الله أن أكون مخطأً فيه
راي هو
مع توفر الامكانات و الارادة للرقي بالتعليم في قطر أجد أن المشكلة تكمن في نقطتين
أولاً مدة رغبة الاهل في تعليم اولادهم و اقصد مجرد الرغبة انما المتابعة في المنزل و الحث على الدراسة و مدى جدية هذا الموضوع لديهم
ثانيا مدى اهلية المدرس القائم على عمله و حبه لهذا العمل فالبيت و المدرس هما المحرك الاساسي للإرتقاء بالمستوى العلمي و التعليمي للطالب
مع النتائج المعلنة أجد ان هنالك حلقة مفقودة بين الاهل و المدرسة و المدرس و الطالب فالمدرس لا اعتقد انه من المقصرين في حال وجد تعاوناً من الطالب و الاهل دائما يسعون لتعليم ابنائهم و يقدمون كل ما يحتاجه الطالب و لكن مع ما اسمعه من بعض المدرسين في عموم دول الخليج ان الطالب اخر همه الدراسة مع توفر كل الامكانيات
و المشكلة تنبع من المنزل الذي يسعى للتخلص من هم الطالب كما يقال باي طريقة و الاهتمام ينصب على توفير مستلزمات التعليم و ليس على توفير الجو المناسب و السعي بإتجاه تشجيع الطالب من خلال المتابعة و الضغط على الطالب لتحسين التحصيل الدراسي
المهم في النهاية مع العلم أن هذا التقييم لنسبة لا باس بها من الطلاب واللذين يؤثرون على بقية زملائهم في المدارس مع هذا نحصل على النتائج السابقة
فليس المهم توفير الامكانيات و الرغبة أنما العمل الجاد لتنفيذ هذه الرغبة من قبل الاهل و المدرس و كل من له علاقة بالمسالة التربوية
و توضيف الامكانات بالشكل الصحيح
18 أبريل 2006  11:15

المدارس المستقلة في نظري مازالت في طور التقييم والتجربة زسمو الامير حفظه الله وسمو ولي العهد وسمو حرم الامير وفروا للمسئولين في المجلس الاعلى للتعليم كل السبل والوسائل التي تكفل نجاح وتطور أي مشروع كان ولم يبقى إلا مسئولية هؤلاء المسئولين وأماناتهم وضمائرهم
23 أبريل 2006  04:00

بسم الله الرحمن الرحيم ... اول شي اشكركم على هذا المكان الي نقدر نطرح فيه ارأنا كا طلاب مدارس ,, انا بصراحه ما جربت مدرسه مستقله لاني هذي السنه انا طلعت من المدرسه وان شاء الله يوفق الي الحين دشو المدارس المستقله وبتوفيق ان شاء الله والى الامام
30 مايو 2006  22:45

بصراحه المدارس المستقله فاشله وافشلت في الامارات يعني بلا شك بتفشل انشالله في قطر لان المناهج وايد صعبه وطالب مايستوعبونها بصراحه انا كرهت المدرسه المستقله وخاصتآ المدرسين الحمدالله وشكر مايفهمون شي بصراحه المدارس المستقله فاشله فاشله
31 مايو 2006  19:30

انشالله ليش مأخرين الامتحانات مساكين الناس يبون يرتاحون وانتوا دراسه والامتحانات الصعبه
31 مايو 2006  19:30

صرف على الفاضي
13 يونيو 2006  11:45

المالكات للمدارس ظالمين ومايهمهم غير الفلوس واشلون يجمعونها ارجعو للوزارة ولا تظلمون الصغار حرررررررام عليكم
13 يونيو 2006  11:45

الصراحه المدارس الحكوميه ارحم بوايد ودراستهم اسهل بوايد بعد .. اما المدارس المستقله اول شي دراستهم صعبه وخاصةً الانجليزي والرياضيات .. وثاني شي النظام كلش مب شي .. مب حلو ان كل مانخلص من حصه نتنقل ونشل شنطنا وكتبنا ومادري ايش ونروح حصه ثانيه وصف ثاني وقسم ثاني .. اصلا تعب علينا رايحين فوق ونازلين تحت ويوم رحنا نقولهم مانبي هالنظام .. قالو لنا لا احسن رياضه .. اشدخل رياضه. ويوم نتا خر عن الحصص على طول تعهد وفصل .. ليش يبا! مب انتو تبون نتنقل من بين كل حصه .. خلاص استحملو لان اغراضنا في صوب وكتبنا في صوب وشنطنا في صوب .. ماقول الا الحمدالله والشكر .. لو احنا ان المدارس المستقله جي جان مادخلنا بالاصل .. لا من دراسه عدله .. ولا من منهج سنع هالسنه .. ولا من نظام اوكيه .. وبعد كل هاي يخلونا نرد البيت الساعه 2 وربع ولا 3
14 يونيو 2006  04:45

انا عندي تعليق على المدرسات حرام عليهم دوامهم لين 3 او 4

يعني هم ما يقدرووون ضروفهم يمكن وحده تبي تروح حق بيتها وعيالها ما يصير جذي

حرااام عليهم وايد يعطونهم شغل احنا مدرساتنا كله مشغوووولين وما يحصلون فرصه حتى يسولفون مع بعض ما يرتاحووون
حرام عليهم والله تعب على المدرسات وااااايد يتعبووون

في الحكومه ما كانو جذي كانو دوم فاضييين بس اللحين كله شغل في شغل

حراااااااااااام والله انهم يهلكووون
18 يونيو 2006  10:30

بصرااحه والله العظيييم ان الي بالمستقله كااسرين خاطري وربي اني حااسه فيهم والحمدلله اناااا في حكوميه ومستواي اوكيه ونخلص بسرعه ونام وهم مساكين يدرسون في المدرسه بصرراحه ماعندهم وقت متى يجون البيت ومتى يرتاحون ومتى يدرسون ومتى يقعدون ويا الاهل
23 يونيو 2006  06:15